Startup Policy ‘Draft’ released స్టార్టప్ పాలసీ ‘ముసాయిదా ‘ విడుదలైంది

స్టార్టప్ పాలసీ ‘ముసాయిదా ‘ విడుదలైంది

— మేధో సంపత్తి పాలనను బలోపేతం చేయడమే లక్ష్యం

ప్రజా దీవెన/ న్యూఢిల్లీ: స్టార్టప్ రంగానికి అనుకూలమైన పర్యావరణ వ్యవస్థను రూపొందించడానికి కేంద్ర
ప్రభుత్వం (union government)మరోమారు కార్యరంగంలోకి దిగింది. తాజాగా నేషనల్ డీప్ టెక్ స్టార్టప్ పాలసీ (NDTSP) ముసాయిదాను విడుదల చేసింది.

స్టార్టప్ రంగానికి అనుకూలమైన పర్యావరణ వ్యవస్థను రూపొందించడానికి తొమ్మిది-పాయింట్ ప్రోగ్రామ్‌ను వెల్లడించింది. తాజా నిర్ణయం భారతదేశ సామర్థ్యాన్ని మరియు ప్రపంచ పోటీతత్వాన్ని( Global competitiveness) పెంపొందించడంలో కీలకం కానుంది.

డీప్ టెక్ స్టార్టప్‌లో శాస్త్రీయ,ఇంజినీరింగ్ పురోగతి ఆధారంగా ప్రారంభ-దశ సాంకేతికతలు ఉంటాయని తెలిపింది. ఏ వాణిజ్య అనువర్తనాల కోసం అభివృద్ధి చేయబడలేదు. ప్రభుత్వ ప్రధాన శాస్త్రీయ సలహాదారు(Chief Scientific Adviser to Govt) కార్యాలయం విడుదల చేసిన ముసాయిదా (NDTSP) సెప్టెంబర్ 15లోగా ప్రజల నుండి వచ్చే అభిప్రాయాలను పరిగణనలోకి తీసుకుంటుంది.

NDTSP ముసాయిదా పరిశోధన, అభివృద్ధి, ఆవిష్కరణల పెంపకం లాంటి తొమ్మిది విధాన రంగాలలో( In nine policy areas) అవసరమైన మార్పులను సూచిoచనుంది. మేధో సంపత్తి పాలనను బలోపేతం చేయడం కోసం నిధుల ప్రాప్తిని సులభతరం చేయడం, భాగస్వామ్య మౌలిక సదుపాయాలు(Shared infrastructure) వనరుల భాగస్వామ్యాన్ని ప్రారంభించడం వంటి అనుకూలమైన నిబంధనలు, ప్రమాణాలతో పాటు ధృవపత్రాలను సృష్టించనుంది.

మానవ వనరులను ఆకర్షించడంతో పాటు సామర్థ్య నిర్మాణాన్ని ప్రారంభించడం, సేకరణ, స్వీకరణను ప్రోత్సహించడం జరుగుతుంది. విధానం, ప్రోగ్రామ్ ఇంటర్‌కనెక్షన్‌( Program interconnection) లను నిర్ధారించడం, డీప్ టెక్ స్టార్టప్‌లను కొనసాగించడం పై నిశితమైన దృష్టి సారించనుoది. డీప్ టెక్ స్టార్టప్‌లు అభివృద్ధి చెందడానికి వారి ప్రత్యేకమైన, సంక్లిష్ట సవాళ్లను పరిష్కరించడానికి అనుకూలమైన పర్యావరణ వ్యవస్థను పెంపొందించడం ద్వారా ఈ పాలసీ ఇప్పటికే ఉన్న స్టార్టప్ ఇండియా విధానాలు(Startup India Policies) ప్రోగ్రామ్‌లు చొరవలకు విలువను జత చేయనుందని అధికారిక ప్రకటన వెలువడింది.

ప్రధానమంత్రి సైన్స్, టెక్నాలజీ మరియు ఇన్నోవేషన్ అడ్వైజరీ కౌన్సిల్ (PM-STIAC) ​​ఏర్పాటు చేసిన నేషనల్ కన్సార్టియం, వర్కింగ్ గ్రూప్ ద్వారా డ్రాఫ్ట్ పాలసీ రూపొందించబడింది. మొత్తానికి డీప్ టెక్ స్టార్టప్ ఎకోసిస్టమ్(Deep Tech Startup Ecosystem) లోపల, వెలుపల 200 మంది వాటాదారుల నుండి ఇప్పటికే ఇన్‌పుట్‌లను స్వీకరించింది.