Nalgonda bypass road: రోడ్డు ఎంపికలో మార్పు చేయాలి

మూడు నుండి ఒకటవ ఎంపికకు మార్చాలి

కలెక్టర్ కు వినతి పత్రాన్ని అందజేసిన నల్లగొండ పట్టణ ప్రజలు

ప్రజా దీవెన నల్గొండ:  నల్లగొండ పట్టణ బైపాస్( Nalgonda urban bypass ) మార్గం ఎంపిక లో మార్పు చేయాలని కోరుతూ నల్లగొండ పట్టణం గొల్లగూడ, శ్రీనివాస కాలనీ బిటిఎస్ కు చెందిన పలువురు బాధితులు సోమవారం కలెక్టరేట్ ఎదుట నిరసన తెలిపి అనంతరం జిల్లా కలెక్టర్ కు వినతిపత్రం అందజేశారు. ఈ సందర్భంగా పలువురు బాధితులు మాట్లాడుతూ….. ఎన్ హెచ్ 565 బైపాస్ మార్గం ఎంపికను 3 నుండి 1 కు మార్పు చేయాలని కోరారు. బైపాస్ మార్గం(urban bypass) ఎంపిక 3 ద్వారా పట్టణంలోని 2730 కుటుంబాల పై తీవ్రమైన ప్రతికూల ప్రభావం చూపుతోందని ఆవేదన చెందారు.

చిన్నపిల్లల నుండి 80 సంవత్సరాల వృద్ధుల వరకు ఎంపిక 3 అనేది సరైనది కాదుగా భావిస్తున్నారని అన్నారు. ఈ సమాచారం బయటకు రాకుండా చేయడం, ఆన్లైన్లో గెజిట్ నోటిఫికేషన్(online Gazette notification)  లేకపోవడం విచారకరమన్నారు. ఎంపిక 3 నుండి ఎంపిక 1 కు మార్పు చేయడం వలన తక్కువ దూరంతో మంచి రహదారి మార్గం ఏర్పడుతుందని, తక్కువ ఖర్చుతో ప్రభుత్వ నిధుల ఆదా జరుగుతుందని, ప్రజలపై తక్కువ ప్రభావం ఉంటుందని తెలిపారు. కావున బైపాస్ రోడ్డు ఎంపికలో మార్పు చేయాలని కోరారు. ఈ కార్యక్రమంలో జి. సైదులు బి. శ్రీనివాస్ డి. అమర్ కే. వెంకటరెడ్డి డి. రాజు, సైదులు తదితరులు పాల్గొన్నారు.

Victims strike for Nalgonda urban bypass change