రైళ్ల రద్దు మరికొంత కాలం

రైళ్ల రద్దు మరికొంత కాలం

— వరంగల్ మీదుగా వెళ్ళే రైళ్ల రద్దు పొడిగింపు

ప్రజా దీవెన/సికింద్రాబాద్: సికింద్రాబాద్ డివిజన్ పరిధిలో రోలింగ్ కారిడార్ బ్లాక్ కార్యాచరణ ఇంకా పూర్తి కానందున ఉన్నందునవరంగల్ జిల్లా మీదుగా నడిచే పలు రైళ్ల రద్దును దక్షిణ మధ్య రైల్వే మళ్లీ పొడిగించింది. సమయానికి పనులు పూర్తి కాకపోవడంతో జులై 10 నుంచి 16 వరకు రైళ్ల రద్దు కొనసాగుతుంది. ఈ మేరకు అన్ని రైల్వేస్టేషన్లకు శనివారం సమాచారం అందిందని ఓ రైల్వే అధికారి ధ్రువీకరించారు. రద్దయిన జాబితాలో కాజీపేట- డోర్నకల్(07753), డోర్నకల్- కాజీపేట(07754)మెము, డోర్నకల్- విజయవాడ(07755), విజయవాడ- డోర్నకల్(07756)మెము, భద్రాచలం రోడ్- విజయవాడ(07278), విజయవాడ- భద్రాచలంరోడ్(07979)మెము, సికింద్రాబాద్- వరంగల్(07462), వరంగల్- హైదరాబాద్(07463)మెము, కాజీపేట- సిర్పూర్ టౌన్(17003), బల్లార్షా- కాజీపేట(17004)రాంగిరి మెము, భద్రాచలం రోడ్- బల్లార్షా(17033), సిర్పూర్ టౌన్- భద్రాచలంరోడ్(17034) సింగరేణి ఎక్స్ప్రెస్ రైళ్లు ఉన్నట్లు వివరించారు. గత నెల 19 నుంచి ఈ రైళ్ల రద్దును దశల వారీగా పొడిగిస్తుండటంతో ప్రయాణికులు తీవ్ర అసౌకర్యానికి గురికావాల్సి వస్తుంది.