Welcome To Praja Deveena News Portal, Which Provides Latest News In Telugu, Breaking News Alert at prajadeveena.com

Crowd of devotees of Edukondala Swami ఏడుకొండల స్వామి భక్తుల రద్దీ

ఏడుకొండల స్వామి భక్తుల రద్దీ

ప్రజా దీవెన/తిరుపతి: కలియుగ దైవం, ఏడుకొండల వెంకటేశ్వర స్వామికి భక్తుల తాకిడి కొనసాగుతోంది. వరుస సెలవులు కావడంతో ఆదివారం తిరుమల తిరుపతి దేవస్థానం భక్తులతో కిక్కిరిసింది. శ్రీవారి సర్వ దర్శనానికి 31 కంపార్టు మెంట్లలో భక్తులు నిండిపోయి క్యూ లైన్లు వెలుపలికి వచ్చాయి. స్వామి వారి సర్వ దర్శనానికి సుమారు 15 గంటల సమయం పడుతోంది.

క్యూలైన్లలో భక్తులకు ఎలాంటి అసౌకర్యం కలగకుండా ఆలయ అధికారులు అన్నీ ఏర్పాట్లు చేశారు.కాగా నిన్న శనివారం శ్రీవారిని 84,430 మంది భక్తులు దర్శించుకుని మొక్కులు చెల్లించుకున్నారు.

ఈ సందర్భంగా స్వామి వారికి హుండీ ఆదాయం 3.45 కోట్ల రూపాయలు వచ్చినట్టు తిరుమల తిరుపతి దేవస్థానం అధికారులు వెల్లడించారు. శ్రీవారికి 38,662 మంది భక్తులు తలనీలాలు సమర్పించినట్లు టిటిడి అధికారులు వెల్లడించారు.