ప్రజా దీవెన, మిర్యాలగూడ: నిత్యoరద్దీగా ఉండే అద్దం కి-నార్కెట్పల్లి రహదారి. ఆ దారిలో వెళ్తున్న వారి గ మ్యాలు వేరైనా, అందరూ సంతోషంగా తమ ఇళ్లకు చేరుకోవాలను కున్నారు. కానీ, ఒక్క క్షణం.. అదుపు తప్పిన కారు రూపం లో వచ్చిన మృత్యువు, ఇద్దరు వ్య క్తుల జీవితాలను ఛిన్నా భిన్నం చేసింది. మిర్యాలగూడ నందిపాడు బైపాస్ వద్ద జరి గిన ఈ ఘోర రోడ్డు ప్రమా దం ఇప్పుడు స్థానికంగా తీవ్ర వి షాదాన్ని నింపింది.
ప్రమాదానికి ముందు అంతా సాదాసీదాగానే ఉంది. సెక్యూ రిటీ గార్డ్గా పనిచేసి, తన పనులను ముగించుకుని ఇంటికి బయలుదేరిన నేనావత్తు మాఘవత్ నాయక్ (45) మైస మ్మకుంట తండా వైపు తన బైక్పై వెళ్తున్నారు. అదే సమ యంలో, కురియ తండాకు చెందిన ధనావత్ భాస్కర్ కూడా అదే మార్గంలో మరో బైక్పై ప్రయాణిస్తున్నారు.
హఠాత్తుగా ఎటు నుంచి వచ్చిందో కానీ.. అతివేగంతో దూ సుకొచ్చిన కా రు అదుపుతప్పి, ముందుగా మాఘవత్ నా యక్ను, ఆ వెం టనే భాస్కర్ను బలంగా ఢీకొట్టింది. కారు వేగానికి ఇద్దరు వ్యక్తులు రోడ్డుపైకి ఎగిరి పడటంతో, అక్కడే దట్టమైన నిశ్శబ్దం ఆవహించింది.
విషాదంలో మునిగిన తండాలు
ఈ ప్రమాదంలో మాఘవత్ నాయక్ అక్కడికక్కడే ప్రాణాలు కోల్పోగా, భాస్కర్ తీవ్ర గాయాలతో విలవిలలాడారు. స్థాని కులు వెంటనే స్పందించి క్షతగాత్రుడిని మిర్యాలగూడ ప్ర భుత్వ ఏరియా ఆసుపత్రికి తరలించారు. పరిస్థితి విషమం గా ఉండటంతో, మెరుగైన చికిత్స కోసం ఆయనను ప్రైవేట్ ఆసుపత్రికి తరలించినట్లు సమాచారం.
ప్రమాదం జరిగిన తీరు పట్ల మృతుని బంధువులు తీవ్ర ఆగ్ర హం వ్యక్తం చేశారు. కారు వేగానికి బాధ్యులు ఎవరు? మర ణించిన వారి కుటుంబాలను ఆదుకునేది ఎవరు? అంటూ నందిపాడు బైపాస్ రహదారిపై రాస్తారోకో చేపట్టారు. దీంతో అద్దంకి-నార్కెట్పల్లి రహదారిపై వాహనాలు కిలోమీటర్ల మేర నిలిచిపోయాయి.
సమాచారం అందుకున్న మిర్యాలగూడ రూరల్ పోలీసులు వెంటనే సంఘటనా స్థలానికి చేరుకుని, ఆందోళనకారులకు నచ్చజెప్పి ట్రాఫిక్ను క్రమబద్ధీకరించారు. కేసు నమోదు చే సుకున్న పోలీసులు.. ప్రమాదానికి కారణమైన కారు డ్రైవర్ కోసం దర్యాప్తు ముమ్మరం చేశారు.
నిబంధనలను గాలికి వదిలేసి, రహదారులపై దూసుకుపో తున్న వాహనాల వల్ల ఇలాంటి ప్రాణాలు గాలిలో కలిసి పోతుండటం ఆందోళన కలిగిస్తోంది. అధికారులు ఇకనైనా ఇలాంటి ప్రమాదాల నివారణకు చర్యలు తీసుకోవాలని స్థానికులు కోరుతున్నారు.