–ఎస్సీ, ఎస్టీ వర్గీకరణ పై గతలో ధర్మాసనం తీర్పు తోసివేత
–ఎస్సీ, ఎస్టీ ఉపకులాలు ఒకే స మూహం కానే కాదు
–సుప్రీం కోర్టు ధర్మాసనం సంచలన తీర్పు
–ఒకటే కేసులో ఆరు తీర్పులతో
6:1 ఏకాభిప్రాయ నిర్ణయం
–ముపై యేళ్ళ సుదీర్ఘ పోరాటానికి దక్కిన ఫలితం
–చంద్రబాబు, మోదీలకు కృత జ్ఞత మంద కృష్ణ మాదిగ భావోద్వేగం
Manda Krishna Madiga: ప్రజా దీవెన, న్యూఢిల్లీ: ఎన్నో ఏళ్ళ నిరీక్షణకు తెరపడింది. సుమారు మూడు దశాబ్దాల క్రితం ప్రారంభమై సుదీర్ఘ కాలంగా కొనసాగుతూ వస్తున్న షెడ్యూల్డ్ కులాలు, షెడ్యూ ల్డ్ తెగల రిజర్వేషన్ల ఉప వర్గీకరణ చేపట్టేందుకు రాష్ట్ర ప్రభుత్వాలకు అధికారం ఉందని సుప్రీంకోర్టు( Supreme Court) స్ప ష్టం చేసింది. ఉద్యోగాలు, విద్యా సంస్థల్లో ప్రవేశాల కోసం రిజర్వేషన్ కోటాను రాష్ట్రాలు విభజించవచ్చని గురువారం కీలక తీర్పునిచ్చింది. ఏడుగురు న్యాయమూర్తులతో కూడి న ధర్మాసనంలో జస్టిస్ బేలా త్రివేది మాత్రమే విభేదించగా మిగి లిన ఆరుగురు ఉపవర్గీకరణకు అను కూలంగా తీర్పు ఇచ్చారని ప్రధాన న్యాయమూర్తి జస్టిస్ డీవై చంద్రచూడ్ తెలిపారు. షెడ్యూల్డ్ కులాలు, షెడ్యూల్డ్ తెగల్లో (In Scheduled Castes, Scheduled Tribes) ఉప కులాలను ‘హోమోజీనస్ క్లాస్’ (ఒకే సమూహంగా భావించలేమని) కాదని, వారి జనాభా గణాంకాలు, సామాజిక ఆర్థిక పరిస్థితుల వంటి డేటా ఆధారంగా రాష్ట్రాలు వర్గీకరిం చవచ్చని జస్టిస్ చంద్రచూడ్ తన తీర్పులో పేర్కొన్నారు.
ఒకే కేసులో ఒకటి ఆరు తీర్పులు, నిర్ణయమూ ఒకటే జస్టిస్ చంద్రచూడ్ నేతృత్వం లోని ధర్మాసనంలో జస్టిస్ బీఆర్ గవై, జస్టిస్ విక్రమ్ నాథ్, జస్టిస్ బేలా త్రివేది, జస్టిస్ పంకజ్ మిత్తల్, జస్టిస్ మనోజ్ మిశ్రా, జస్టిస్ సతీశ్ చంద్ర మిశ్రా సభ్యులుగా ఉన్నారు. వీరు ఈ కేసులో ఆరు తీర్పులను విడివిడిగా ఇచ్చారు. ఉప వర్గీక రణకు అనుకూలంగా జస్టిస్ మిశ్రా కు, తనకు కలిపి సీజేఐ ఒక తీర్పు రాశారు. మిగిలిన నలుగురు ఇదే వైఖరితో నాలుగు తీర్పులు విడివి డిగా ఇచ్చారు. వీరిలో ఒకరైన జస్టి స్ బీఆర్ గవై కీలక వ్యాఖ్యలు చేశా రు. రాష్ట్ర ప్రభుత్వాలు ఎస్సీ, ఎస్టీ ల్లో క్రీమీ లేయర్ను గుర్తించి, వారిని రిజర్వేషన్ పరిధి నుంచి తప్పించా లని సూచించారు. జస్టిస్ బేలా త్రివే ది మాత్రం ఉపవర్గీకరణకు వ్యతిరే కంగా తీర్పు ఇచ్చారు. మెజారిటీ (majority) తీర్పుతో తాను విభేదిస్తున్నానని, రాజ్యాంగంలోని 341వ అధికరణ కింద నోటిఫై చేసిన ఎస్సీ జాబితా ను మార్చే అధికారం రాష్ట్రాలకు లేదని ఆమె అభిప్రాయపడ్డారు.
కేంద్రం వాదన సుస్పష్టం.. ఈ కేసులో కేంద్ర ప్రభుత్వం తన వైఖ రిని ఫిబ్రవరిలో సుప్రీంకోర్టుకు తెలి పింది. ఎస్సీ, ఎస్టీ, ఓబీసీ వర్గీకరణ (SC, ST, OBC classification)తో సామాజిక న్యాయం సాధ్యమ వుతుందని అభిప్రాయపడింది. అప్పుడే ప్రభుత్వాలు సరైన పథ కాలు రూపొందించగలవని తెలి పింది. అందరికీ సమాన అవ కాశా లు కల్పించాలనే కల ఉపవర్గీక రణతో సాకారం అవుతుందని కేంద్రం తరఫున సొలిసిటర్ జనరల్ తుషార్ మెహతా వాదనలు విని పించారు. రిజర్వేషన్లు తీసుకురావ డం వెనుకున్న లక్ష్యం చేరుకోవాలం టే కోటా హేతుబద్ధీకరణ చాలా ముఖ్యమని వ్యాఖ్యానించారు.
పంజాబ్ నుంచి ఆంధ్ర ప్రదేశ్ వరకూ.. వాల్మీకీలు, మఝాబీ సిక్కులకు 50శాతం రిజర్వేషన్లు కల్పిస్తూ పంజాబ్ ప్రభుత్వం తెచ్చిన నిబంధనను 2010 లో పంజాబ్, హరియాణా హైకోర్టు కొట్టివేసింది. అయితే ఈ తీర్పును సవాలు చేస్తూ సర్వోన్నత న్యా యస్థానంలో వ్యాజ్యాలు దాఖల య్యాయి. ఎస్టీ కోటాలో ఉప వర్గీక రణలు రాజ్యాంగంలోని 14వ అధికరణకు విరుద్ధమని 2004లో ‘ఈవీ చిన్నయ్య వర్సెస్ ఆంధ్రప్రదేశ్’ కేసులో సుప్రీంకోర్టు తీర్పు ఇచ్చింది. ఆ తీర్పును ఆధారంగా చేసుకుని పంజాబ్ సర్కారు నిర్ణయాన్ని హైకో ర్టు తప్పుబట్టింది. అయితే, హైకోర్టు నిర్ణయాన్ని వ్యతిరేకిస్తూ 2011లో పంజాబ్ ప్రభుత్వం సుప్రీంకోర్టును ఆశ్రయించింది. 2020లో ఐదుగురు న్యాయమూర్తుల ధర్మాసనం ఈవీ చిన్నయ్య కేసులో సుప్రీంకోర్టు తీర్పు ను తప్పుబట్టింది. దీనిపై పునః స మీక్ష కోసం ఏడుగురు సభ్యుల రాజ్యాంగ ధర్మాసనానికి కేసును బదిలీ చేసింది. ఇప్పుడు ఉపవర్గీక రణకు అనుకూలంగా సుప్రీంకోర్టు తీర్పు ఇచ్చింది.
ఏడుగురు సభ్యుల విచారణ..
ఎస్సీ వర్గీకరణపై రాజ్యాంగ ధర్మాస నం ఏర్పాటు చేస్తూ సీజేఐ చంద్ర చూడ్‌ నేతృత్వంలోని ఏడుగురు జడ్జిలతో కూడిన ధర్మాసనం నిర్ణ యించింది. పంజాబ్ ప్రభుత్వం ఇప్పటికే ఎస్సీ వర్గీకరణపై భారత అత్యున్నత న్యాయస్థానాన్ని ఆశ్ర యించింది. పంజాబ్ గవర్నమెంట్‌ వేసిన పిటిషన్‌ను ప్రధాన పిటిషన్‌ గా స్వీకరిస్తూ సీజేఐ నేతృత్వంలోని ధర్మాసనం విచారణ చేపట్టింది. వర్గీ కరణకు అనుకూలంగా, వ్యతిరేకం గా దాఖలైన పలు పిటిషన్లను కూ డా విచారించింది. అయితే వర్గీ కరణపై దాఖలైన అన్ని పిటిషన్లను పంజాబ్ పిటిషన్‌కు న్యాయస్థానం జత చేసి విచారణ చేపట్టింది. ఈ పిటిషన్లలో ఎస్సీ వర్గీకరణ చేయా లంటూ ఎమ్మార్పీఎస్ వ్యవస్థా పకుడు మంద కృష్ణ మాదిగ గతం లో సుప్రీంకోర్టును ఆశ్రయించారు. సుప్రీంకోర్టులో ( Supreme Court)జరుగుతున్న విచార ణకు రాష్ట్ర మంత్రి దామోదర రాజ నరసింహ హాజరయ్యారు.
అసెంబ్లీలు లోతుగా ఆలోచిం చాలి విచారణలో భాగంగా అత్యున్నత న్యాయస్థానం రాష్ట్ర ప్రభుత్వాలకు కొన్ని ప్రశ్నలను సంధించింది. అసమానతలను తొలగింపునకు ప్రభుత్వాలు ఏం చేస్తున్నాయని ధర్మాసనం ప్రశ్నిం చింది. వర్గీకరణకు రాష్ట్ర శాసనస భలు సిద్ధంగా ఉన్నాయా అంటూ వివరణ కోరింది. ఈ కేసు విచారణ లో భాగంగా అన్ని రాష్ట్రాల అభిప్రా యాలను రాజ్యాంగ ధర్మాసనం తెలుసుకోనుందని సుప్రీంకోర్టు స్పష్టం చేసింది. గతంలో ఉమ్మడి ఆంధ్రప్రదేశ్‌లో వర్గీకరణను చంద్ర బాబు ప్రభుత్వం అమలు చేసిందని గుర్తు చేశారు.
రెండు దశాబ్దాల కిందటే సవర ణకు నాందీ… 2004లో చంద్రబా బు సర్కారు కల్పించిన వర్గీకరణను సుప్రీంకోర్టు కొట్టేసిన విషయం తెలి సిందే. అయితే వర్గీకరణకు రాజ్యాం గ సవరణ చేయాలని ఉషా మెహ్రా కమిషన్‌ స్పష్టం చేసింది. ఇటీవల కేంద్ర ప్రభుత్వం (central govt) కూడా ఎస్సీ వర్గీ కరణపై ప్రత్యేక కమిటీని ఏర్పాటు చేస్తూ ఉత్తర్వులను ఇచ్చింది. కేబినె ట్‌ కార్యదర్శి రాజీవ్‌ నేతృత్వంలో ని ఐదుగురు సభ్యుల కమిటీని కేంద్రం ఏర్పాటు చేస్తూ ఉత్తర్వుల ను ఇచ్చింది. ఈ కమిటీలో కేంద్ర హోంశాఖ, గిరిజన, న్యాయశాఖ, సామాజిక న్యాయ శాఖల కార్య దర్శులు ఉన్నారు. ఈ విషయాల ను అన్నింటిని పరిగణలోకి తీసు కున్న సీజేఐ నేతృత్వంలోని ఏడు గురు జడ్జిలతో కూడిన ధర్మాసనం విచారణను చేపట్టి ఎస్సీ వర్గీకరణ పై రాజ్యాంగ ధర్మాసనం ఏర్పాటు చేయాలని స్పష్టం చేసింది. తెలం గాణ ఎన్నికల సందర్భంగా ప్రధాని మోదీ ఎస్సీ వర్గీకరణకు కమిటీని ఏర్పాటు చేస్తున్నట్లు హామీ ఇచ్చా రు. ఇచ్చిన హామీని నెరవేర్చారు.
ఇది 30 ఏళ్ల పోరాట ఫలితం : మంద కృష్ణ మాదిగ సుప్రీంకోర్టు తీర్పుపై ఎమ్మార్పీఎస్ అధినేత మంద కృష్ణ మాదిగ భావోద్వేగానికి గురయ్యారు. మీడియా ఎదుటే ఆయన కంటనీరు పెట్టుకున్నారు. ‘మా 30 ఏళ్ల పోరాటానికి న్యాయం జరిగింది. సుప్రీంకోర్టు తీర్పు న్యా యాన్ని బతికించింది. ఈ ప్రక్రియ వేగవంతానికి ప్రధాని నరేంద్ర మోదీ చొరవ తీసుకున్నారు. అమిత్‌షా, వెంకయ్యనాయుడు, కిషన్‌రెడ్డికి ధన్యవాదాలు. వర్గీకరణ చేసిన ఆంధ్రప్రదేశ్ ముఖ్యమంత్రి నారా చంద్రబాబుకు ప్రత్యేక ధన్యవాదా లు. ఈ విజయాన్ని అమరులకు అంకితం ఇస్తున్నాం. రిజర్వేషన్ల సిస్టమ్ ఇప్పుడు రెండో అడుగు వేయబోతుంది. తెలుగు రాష్ట్రాల్లో వర్గీకరణ అనివార్యం. వర్గీకరణకు సంబంధించిన జీవోలు వచ్చిన తర్వాతే ఉద్యోగ నోటిఫికేషన్లు ఇవ్వాలి. ఉద్యోగ నోటిఫికేషన్లు సరిచేసుకోవాల్సిన అవసరం ఉంది. రీ-నోటిఫికేషన్లు ఇవ్వాలి’ అని కేంద్ర, రాష్ట్ర ప్రభుత్వాలను మంద కృష్ణ మాదిగ కోరారు. వర్గీకరణకు జనాభా లెక్కలతో పనిలేదని మరో సారి గుర్తు చేశారు. త్వరలో విజ యోత్సవ సభ నిర్వహిస్తాం అని మందా కృష్ణ మాదిగ అన్నారు.
ఎస్సీ వర్గకరణ ఉద్యమ కథాకమీషు..!
ఎస్సీల మూడు దశాబ్ధాల పోరా టానికి తెరపడింది. చివరకు సుప్రీం కోర్టు తీర్పుతో సంబరాలు అంబరా న్నంటాయి. కాగా 2011 జనాభా లెక్కల ప్రకారం ఎస్సీ జనాభా 1,38, 78,078. వీరిలో మాదిగలు 67,02, 609 మంది కాగా, మాలలు 55, 70,244 మంది. అంటే మాదిగల జనాభా మాలలకన్నా దాదాపు 11.3 లక్షలు ఎక్కువన్నమాట. మొత్తం ఎస్సీ జనాభాలో ఈ రెండు కులాల జనాభానే 80 శాతం వర కూ ఉండొచ్చనేది ఓ అంచనా. మిగతా 57 కులాల్లో పెద్ద సంఖ్య రెల్లి కులానిది. వీరు మూడు ఉత్త రాంధ్ర జిల్లాల్లో ఎక్కువగా ఉంటా రు. అయితే, ఈ కులాలన్నీ కూడా ఊరవతల వెలివాడల్లో నివసిం చినవి. అప్పటి సమాజంలో దారు ణమైన అణచివేతను, అంటరానిత నాన్ని, వివక్షను ఎదుర్కొన్నాయి. ఎస్సీల్లో కూడా ఎక్కువ, తక్కువలు న్నాయి. ఉదాహరణకు, మాదిగల్ని మాలలు తక్కువగా చూస్తారు. కాగా ఎస్సీ జనాభాలో మాలల కన్న మాదిగలు అధికంగా ఉండడంతో స్వాతంత్ర్యం వచ్చిన నాటి నుంచి నేటి వరకువిద్యా, ఉద్యోగ, ఆర్థిక, రాజకీయ, సామాజిక అంశాల్లో వీరికి అన్యాయం జరుగుతుందని అప్పట్లో కొందరు మేధావులు తెలు సుకున్నారు. మాదిగల జనాభా అధికంగా ఉన్నప్పటికీ విద్యా, ఉ ద్యోగ, ఆర్థిక, రాజకీయ, సామాజిక అంశాల్లో మాత్రం వెనకబడి ఉన్నా ని అభిప్రాయపడ్డారు. 70 శాతం ఉన్న మాదిగ, మాదిగ ఉపకులాలు 10 శాతం రిజర్వేషన్ ప్రయోజనా లు పొందుతుంటే, 30 శాతం ఉన్న మాలలకు 90 శాతం అందుతున్నా యని వారి అభిప్రాయం.1994లో ఉద్యమం ప్రారంభమైంది. అణ గారిన వర్గాలు ఎదుర్కొంటున్న సమస్యలపై అప్పట్లో చాలా ఉద్య మాలు పుట్టుకొచ్చాయి. అందులో మాదిగ రిజర్వేషన్ పోరాట సమితి ప్రధానమైనది. మంద కృష్ణ మాదిగ దీనిని స్థాపించారు. ఈ ఉద్యమాన్ని ఆయన 1994లో మొదలు పెట్టి మాదిగల హక్కుల కోసం పోరా టానికి నాంది పలికారు. పాద యాత్ర చేస్తూ విద్య, ఉద్యోగ, ఆర్థిక, రాజకీయ, సామాజిక అంశాల్లో మాదిగలకు దక్కాల్సిన వాటా దక్కాల్సిందేనంటూ మాది గలను చైతన్య పరిచారు. ఈ నేపథ్యంలోనే ఎస్సీ కులాలను A,B ,C,D గ్రూపులుగా విభజించి ఆయా కులాల జనాభా నిష్పత్తి ప్రకారం 15 శాతం ఉన్న రిజర్వేషన్ కోటాను పెంచాలనే డిమాండ్ చేశా రు. బీసీల్లో ఉన్న ఏబీసీడీ వర్గీకరణ మాదిరిగానే ఎస్సీ కులాలను కూడా A,B,C,D గ్రూపులుగా వర్గీకరించి అన్ని రకాలుగా నష్టపోతున్న మాది గలకు న్యాయం చేయాలని మంద కృష్ణ మాదిగా కోరారు. ఆయన ఈ ఒక్క ఉద్యమంతోనే సరిపెట్టలేదు. 1972 నుంచి మొదలుకుని మారిన ప్రతీ ముఖ్యమంత్రి వద్దకు వెళ్లి మా దిగ జాతి నష్టపోతున్న తీరును స్పష్టంగా అర్థమయ్యేలా వివరించి ఎస్సీ వర్గీకరణ చేయాలని కోరారు. కానీ, ఏ ముఖ్యమంత్రి కూడా ఈ అంశంపై ముందడుగు వేయడానికి ప్రయత్నాలు చేసింది లేదు.
2000-2004 వరకు అప్పటి చంద్రబాబు సర్కార్ ఎస్సీ, ఎస్టీ వర్గీకరణ ను అమలు చేసింది. అయితే మాలమహనాడు వర్గీ కరణను వ్యతిరేకించింది. హైకోర్టు లో న్యాయపోరాటం చేసింది. హైకో ర్టు వర్గీకరణకు వ్యతిరేకంగా తీర్పు నిచ్చింది. దాంతో 2004 లో అనాటి రాష్ట్ర ప్రభుత్వం సుప్రీం కోర్టును ఆశ్రయించింది. సుప్రీంకోర్టులో ఐదుగురు సభ్యుల ధర్మాసనం విచారణ అనంతరం వర్గీకరణను వ్యతిరేకించింది. వివక్ష, వెనుక బడిన వాళ్లందరిని ఒకే కేటగిరిలో ఉంచాలని ఆదేశాలిస్తూ హైకోర్టును తీర్పును సుప్రీంకోర్టు సమర్థించింది.
అప్పటి నుంచి తెలుగు రాష్ట్రాల్లో వర్గీకరణ కోసం పోరాటాలు ప్రజా ఉద్యమాలుగానూ, రాజకీయ ఉద్యమాలుగానూ జరుగుతూనే ఉన్నాయి. ఎస్సీ ఎస్టీ వర్గీకరణపై నేడు సుప్రీం కోర్టు సంచలన తీర్పు వెలువరించింది. వర్గీకరణ చెల్లు బాటుపై ప్రధాన న్యాయమూర్తి జస్టి స్ చంద్రచూడ్ నేత్రుత్వంలోని ఏడు గురు న్యాయమూర్తులతో కూడిన ధర్మాసనం విచారణ చేపట్టింది. వర్గీకరణ తప్పనిసరి అని, ఆ అంశంపై ఆయా రాష్ట్ర ప్రభుత్వా లకు అధికారం కల్పిస్తూ ఆదేశాలు జారీ చేసింది. విద్య, ఉద్యోగాల్లో రిజర్వేషన్ల కోసం ఎస్సీ, ఎస్టీ వర్గీక రణ అనివార్యమని చీఫ్ జస్టిస్ చంద్రచూడ్ నేతృత్వంలోని ఏడు గురు సభ్యుల ధర్మాసనం 6:1 నిష్ప త్తిలో తుది తీర్పును వెల్లడించింది. ఏళ్ల నిరీక్షణకు తెరపడింది.