Cricket bettings IPL matches : తెలుగు రాష్ట్రాల్లో బెట్టింగ్ తెగులు

తెలుగు రాష్ట్రాల్లో బెట్టింగ్ తెగులు

–కాయ్ రాజా కాయ్ అంటున్న రెండు రాష్ట్రాల యువకులు 
–ఐపీఎల్ క్రికెట్ పై జూదంలో ఇరుక్కపోతున్న యువత
–అప్పులపాలవుతూ అసువులు బాస్తున్న వైనం
–వారువీరు అనే తేడా లేకుండా అందరినీ ఆవహిస్తున్న దందా

ప్రజా దీవెన/ హైదరాబాద్: తెలుగు రాష్ట్రాలకు బెట్టింగ్ తెగులు తగి లింది. బెట్టింగ్ ఫీవర్ ఉక్కిరి బిక్కిరి చేస్తోంది. చిన్నా,పెద్దా అని తేడా లేదు ఎవరి స్థాయిలో వారినైనా ఐపీఎల్‌పై ( ipl) ఆవహిస్తున్నాయి. క్రికెట్‌ అంటే బెట్టింగ్, బెట్టింగ్ అంటే క్రికెట్ అనేలా దారుణ పరి స్థితి తయా రైంది. కళ్లు చెదిరే సిక్సులు అద్భు తమైన ఆటతీరు, ఫ్యాన్స్‌ కు వినో దాన్ని ఇస్తే, బెట్టింగ్ రాయుళ్లకు కాసుల వర్షం కురిపి స్తోంది. ఈజీ మనీ మోజులో పడి వేలాది మంది బెట్టింగ్ ఉచ్చులో చిక్కు కుని తమ కుటుంబాలను రోడ్డున పడేస్తున్నారు.

కొందరు ప్రాణాలు తీసుకునే పరిస్థితి వస్తుంది. ఐపీఎల్ ప్రారంభమై తే చాలు తెలుగు రాష్ట్రాల్లో బెట్టింగ్‌ దందా కామన్‌ అయిపోయింది. ప్రధాన నగరాలే కేంద్రంగా.. పెద్ద ఎత్తున నెట్వర్క్ విస్తరింపజేస్తున్నా యి కొన్ని ముఠాలు. పోలీసులకు చిక్కినా మళ్లీ బయటకు వచ్చాక ఇదే దందా కంటిన్యూ చేస్తున్నారంటే.. సంపాదన ఏ రేంజ్‌లో ఉందో అర్థం చేసుకోవచ్చు. ముఖ్యంగా ఆన్‌లైన్ బెట్టింగ్ ద్వారా చేసే స్కా ములు నెక్ట్స్ లెవల్‌లో ఉంటాయి.

ఒక జట్టు మీద బెట్టింగ్ వేసిన తర్వాత సదరు టీమ్ ఓడిపోతుంద న్న సమయంలో వేరొక జట్టుపైకి బెట్టింగ్ మార్చడానికి అవకాశం లేని విధంగా సర్వర్‌ని ఆఫ్ చేస్తారు. ఉదాహరణకు A జట్టు ఫేవరెట్‌గా ఉన్న సందర్భంలో ఒక రూపాయికి 70 పైసలు ఇస్తూ వేరొక జట్టు Bకి 70 పైసలకు రూపాయి వచ్చేటట్లు యాప్‌లో బెట్టింగ్‎కి అవకాశం కల్పిస్తారు. ముఖ్యంగా ముఠాలో ప్రముఖ వ్యక్తులు బాల్ టు బాల్ బెట్టింగ్ ఆడుతున్న సమయంలో లేదా మ్యాచ్ గెలుస్తుందన్న సమ యంలో వాళ్ళ స్వలాభం కోసం సదరు అప్లికేషన్, వెబ్సైట్‎ని వాళ్ళు నచ్చిన విధంగా ఆన్ చేయడం ఆఫ్ చేయడం చేత బాధితులు ఎక్కువగా నష్టపోతున్నారు.

ఎలక్షన్ బెట్టింగ్స్ కూడా షురూ…క్రికెట్ బెట్టింగ్ అలా ఉండగా  మ రో వైపు పొలిటికల్ బెట్టింగ్ కూడా షురూ అయింది. ఎన్డిఎ ( nda) 400 సీట్లు కొడుతుందని.. ఏపీలో గవర్నమెంట్ ఫామ్ చేసేది ఎవ రు, అంటూ బెట్టింగ్స్ నడుస్తున్నాయి. ఇటు తెలంగాణలోనూ ఏ పా ర్టీకి ఎన్ని సీట్లు వస్తాయో చెబుతూ బెట్టింగ్స్ కాస్తున్నారు. అభ్యర్థుల గెలుపోటములపైనే కొందరూ బెట్టింగ్‌ వేస్తుంటే మరికొందరూ మెజార్టీ పై పందాలు వేస్తున్నారు. హాట్‌ ఫేవరెట్‌పై 10 వేలు పెడితే లక్ష ఇచ్చే ట్లుగా పందాలు కాస్తున్నారు. స్ట్రీట్ వెండర్స్ నుంచి బడాబాబుల దాకా.. వందల కోట్లు చేతులు మారుతున్నాయి.

ఈ బెట్టింగ్స్ కోసం ప్రత్యేక కేంద్రాలు కూడా ఏర్పాటు చేస్తున్నారు ని ర్వాహకులు. మందు, విందు, చిందు అక్కడ అన్నీ ఉండేలా బెట్టిం గ్ వేసే వారిని పందెంరాయుళ్లు అట్రాక్ట్ చేస్తున్నారు. ఇలా ఈ రెండు నెలల్లో అటు ఐపీఎల్, ఇటు ఎలక్షన్స్ కారణంగా వేల కోట్లు చేతులు మారే అవకాశం ఉంది. దీంతో చాలా కుటుంబాలు రోడ్డున పడతా యి. పోలీసులు స్పెషల్ టీమ్స్‌ను రంగంలోకి దించింతే కొంతమేర డ్యామేజ్ కంట్రోల్ అయ్యే అవకాశం ఉందని భావిస్తున్నారు ప్రజలు.