ప్రజా దీవెన, హైదరాబాద్: తెలంగాణ ప్రజలకు రేవంత్ రెడ్డి సర్కార్ తీపి కబురు చెప్పింది. గ్రామీణ ప్రాంతాల్లో ఇంటర్నెట్ విప్లవానికి సర్కార్ సిద్ధమైంది. రూ.300కే ఇంటర్నెట్ కనెక్షన్‌ అం దుబాటులోకి రానుంది. టీ-ఫైబర్ ఆధ్వర్యంలో దశలవారీగా గ్రామీణ ప్రాంతాల్లోని ఇళ్లకు ఈ సౌకర్యం కల్పించనున్నారు. తెలంగాణలోని ప్రతి ఇంటికి, ప్రభుత్వ, ప్రైవేటు సంస్థలకు హైస్పీడ్‌ బ్రాడ్‌బ్యాండ్‌ అనుసంధానంతో పాటు డిజిటల్‌ సేవలు అందించడమే టీ-ఫైబర్ టార్గెట్. టీ ఫైబర్ నెట్‌వర్క్‌ ఆప రేషన్స్‌ సెంటర్‌(టీ-ఎన్‌వోసీ) నుంచి ఈ వ్యవస్థను పర్యవేక్షిస్తున్నాం.
ఈ ప్రాజెక్టు తొలి దశలో తెలంగాణ వ్యాప్తంగా 94 మండలాలు, 2,096 గ్రామ పంచాయతీల్లో కమర్షియల్‌ సేవలు అందించేందుకు వీలుగా ఇప్పటికే పనులు పూర్తయ్యాయి. 30 వేల ప్రభుత్వ సంస్థలను అను సంధానించేందుకు ప్రణాళికలు సిద్ధం చేసినట్లు టీఫైబర్‌ సంస్థ వేణు ప్రసాద్ వెల్లడించారు. ప్రూఫ్‌ ఆఫ్‌ కాన్సెప్ట్‌లో భాగంగా తొలిద శలో నారాయణపేట, సంగారెడ్డి, పెద్దపల్లి జిల్లాల్లోని మద్దూరు, సంగుపేట్, అడవి శ్రీరామ్‌పూర్‌ గ్రామాల్లో టీ ఫైబర్ ట్రయల్‌ సేవలను ఈనెల 8న ముఖ్యమంత్రి రేవంత్‌రెడ్డి ప్రారంభించనున్నారు.
ఇది వైఫై కనెక్షన్‌ మాదిరిగా పని చేస్తుంది. ఈ కనెక్షన్‌ తీసుకుంటే వర్చువల్‌ నెట్‌వర్క్‌తో పాటు టెలిఫోన్ సౌకర్యం అందుబాటులో ఉంటుంది. పలు తెలుగు ఓటీ టీలను సైతం ప్రజలు చూడటానికి వీలుపడుతుంది. తొలి దశలో నారాయణపేట, పెద్దపల్లి, సంగారెడ్డి జిల్లాల్లోని 2,096 పంచాయతీల్లో ఇంటర్నెట్ సౌకర్యం కల్పించనున్నారు. ఆ తర్వాత మిగిలిన గ్రామాల్లోనూ ఏర్పాట్లు పూర్తిచేయనున్నారు. భారత్‌ నెట్‌ పేరుతో కేంద్ర ప్రభుత్వం పథకాన్ని ప్రారంభించగా.. ఈ పథకం కింద తెలంగాణలోని గ్రామాల్లో ప్రతి ఇంటికి అత్యాధునిక సౌకర్యాలతో కూడిన ఇంటర్నెట్ కల్పించేందుకు ఫైబర్ నెట్‌ కనెక్షన్‌ను అందిం చాలని రేవంత్ సర్కార్ నిర్ణ యిం చింది.
ఈ పథకంలో భాగంగా ప్రతి ఇంటికి రూ.300కే ఇంటర్నెట్ కనెక్షన్‌ ఇవ్వాలని ప్రాథమికంగా డిసైడ్ అయ్యారు. అయితే దీనిపై అధికారిక ప్రకటన రాలేదు. ఈ కనెక్షన్‌ ద్వారా ప్రతి ఇంట్లో ఉన్న టీవీనే కంప్యూటర్‌గా పని చేయనుంది. 20 ఎంబీపీఎస్ స్పీడ్‌తో ఇంటర్నెట్ కనెక్షన్‌ ఇస్తారు. ఇది విద్యార్థులకు ఉపయుక్తంగా ఉండనుంది. ఈ కనెక్షన్‌ ద్వారా చెల్లింపులు సైతం చేయవచ్చు. ప్రతి గ్రామంలోనూ జంక్షన్లు, ఇతర చోట్ల కూడా అత్యాధునిక సీసీ కెమెరాలను ఏర్పాటుచేసి ఫైబర్‌నెట్‌తో కనెక్ట్ చేయనున్నారు. ఇవి ప్రతి పోలీసుస్టేషన్‌లోని కమాండ్‌ కంట్రోల్‌ సెంటర్‌కు అనుసంధానం కానున్నాయి.