భారీ వృక్షం కూలి ఆటోడ్రైవర్ మృతి
ప్రజా దీవెన/ హైదరాబాద్ : అకస్మాత్తుగా ఆటోపై చెట్టు కూలిపోవడంతో ఆటో డ్రైవర్ మృతిచెందిన విషాద ఘటన హైదరాబాద్ లో చోటుచేసుకుంది.
హైదర్గూడ ఓల్డ్ ఎమ్మెల్యే కాలనీలో భారీ వృక్షం కుప్ప కూలి సిగ్నల్ వద్ద నిలిచిన రెండు ఆటోలపై ఒక్కసారిగా పడింది. దీంతో ఓ ఆటో డ్రైవర్ మృతి చెందారు.
ఘటనా స్థలికి పోలీసులు చేరుకుని వివరాలు సేకరించారు.ఈ ఘటన కారణంగా ఆ మార్గంలో ట్రాఫిక్ కాసేపు నిలిచిపోయింది.